2019 жылғы 16 тамызда Елордасы Нұр-сұлтан қаласындағы «Тәуелсіздік» сарайында өткен республикалық тамыз конференциясына Мақтаарал ауданы білім бөлімінің басшысы Серикбаев Муратбек Тулапович, әдістемелік кабинет меңгерушісі Исламова Ултуар Кудайбергеновна және №25 «Жаңа жол» жалпы орта мектебінің директоры Айнабекова Гульбану Сайлаубековна, М.Ғабдуллин атындағы №52 ЖОМ коммуналдық мемлекеттік мекемесі химия-биология пәнінің мұғалімі Аширова Гульжанат Турсинбековна қатысып, жақсы әсермен оралды.

Тамыз конференциясында айтылған маңызды мәселелер:

· ҚР Президенті Қ. Тоқаев:

- ағылшын тілін ата-ана келісімімен 2-сынып немесе 5-сыныптан енгізу тиімді екенін, ал жоғары сыныпта мектептің жағдайына байланысты қарастыру қажеттігіне назар аударуы;

- ұстаздардың жалақысын 2 есеге дейін 4 жыл ішінде көтерілетіндігін айтуы;

- Республикалық тамыз конференциясына қатысып, ұстаздар қауымына артқан сенімі мен қолдауы, ұстаздарға үлкен үміт пен сарқылмас рух сыйлады.

- ҚР Премьер-министрінің орынбасары Г.Әбдіхалықованың «Мұғалім мәртебесі туралы» заң 2020 жылғы қаңтарға дейін қабылданатыны жөнінде айтуы;

· ҚР Білім және ғылым министрі А.Аймағанбетов:

- 1-сыныпқа әліппені А.Байтұрсыновтың ұсынған моделінде енгізудің қажеттілігін баса айтуы;

- ҰБТ өткізу процедурасын өзгерту жөніндегі ұсынысы;

- мұғалімдерді аттестаттаудың форматын жетілдіру үшін электронды түрде жүргізуді жоспарлау жөніндегі пікірі;

- бала тәрбиесінде мектепке дейінгі, жалпы орта білім беру, арнаулы орта және жоғары оқу орындарындағы білім саласына толық талдау жасап, әрқайсысының басым стратегияларын нақты айтуы;

- Ата-аналар тарапынан тәрбие берудегі ұлттық құндылықтарға басымдық беру;

- «Әліппені» қайта мектепке қайтарамыз деген сөзі, бүкіл «Алты алаштың» қайта жаңғыруы іспетті болды.

Тамыз конференциясында ғылыми жобаларды іске асырудың оңтайлы әдістері, биотехнология мен генетика саласының қолдану аясын кеңейту жөніндегі өзекті мәселелер қаралды.

Сонымен бірге республикалық деңгейде мемлекет наградаларымен ұстаздарды ҚР Президенті Қ.Тоқаевтың және ҚР Білім және ғылым министрі А.Аймағанбетовтің марапаттауы көңілге қуаныш ұялатты. Ұстаздар еңбегінің оң бағалануы ерекше ынталандырып, жаңаша жігер сыйлады.