2019 жылдың   31 қазан  күні  Мақтаарал  ауданы  білім  бөліміне  қарасты  Достық а/о  Бескетік  аулында  орналасқан  «Батыржан»  бөбекжай - балабақшасында   аудандық  білім  бөлімінің  мектепке  дейінгі  әдіскері  С.Ибрагимованың  ұйымдастыруымен   «Мектепке  дейінгі  білім  беру сапасын  арттыру мен  мазмұнын жаңарту  жолдары»  тақырыбында  аймақтық  семинар   болып  өтті. Оның  мақсаты;  Мектепке  дейінгі жас жеткеншектерге сапалы тәрбие мен білім беруді  қамтамасыз  ету, рухани  жағынан  дамыған  табысты  азаматты  қалыптастыру. Семинарға  округке  қарасты   балабақша меңгерушілері  мен  тәрбиешілері  түгел  қатысты. МАДТ, Ересек  тобы, Ортаңғы  тобы, кіші  топтары   ұйымдасқан -оқу қызметтерімен  бөлісті. Балабақшаның орыс тілі мұғалімі  Д.Шаймова  мен  мектеп алды  даярлық  тобы тәрбиешісі А.Байтақова  «Сиқырлы  сандар»  тақырыбында,  балабақша  психологы  Н.Елтебаев  «Балалардың  танымдық қабілеттерін  ойын  жаттығулар   арқылы  дамыту»  тақырыбында  келген қонақтармен   психологиялық  тренинг  өткізді. Шара  соңында  «Біз  бақытты балдырған»  концерттік  бағдарламаға  ұласты. Балабақша  ұжымына    толағай  табыстар тілеп  жас жеткеншектер  тәрбиелеуде  қажымас  қайрат  тілейміз!