ЖАСТАР БІЗДІҢ БОЛАШАҒЫМЫЗ

2022 жылдың 3 маусым күні Мақтаарал ауданының адами әлеуетті дамыту бөліміне қарасты №41 жалпы орта мектебі коммуналдық мемлекеттік мекемесінде «Балалар жылы» аясында «Әкелер» аллеясы, «Жастар» аллеясы, «Волейбол және кіші футбол» алаңдарының ашылуына орай «Ұлт – болашағы – жастар қолында» атты салтанатты іс-шара болып өтті. Іс-шараға Мақтаарал ауданының адами әлеуетті дамыту бөлімінің басшысы Серікбаев Мұратбек Тулапович, Мақтаарал аудандық білім және ғылым қызметкерлерінің кәсіподақ комитететінің бас маманы Ержан Жанисов, Мақтаарал ауданының «Әкелер мектебінің» төрағасы Байтен Шадияр мырза, Мақтаарал ауданының адами әлеуетті дамыту бөлімінің әдіскері Естөре Бектұрсынов, Азаттық ауылының құрметті азаматы Абдуранов Мұхтар Атабекұлы қатысты. Қонақтар мектеп ұжымын құттықтап, салтанатты түрде «Әкелер» аллеясы, «Жастар» аллеясы және «Волейбол және кіші футбол» алаңдарының ашылу лентасын қиды.

Аталған іс-шара барысында Мақтаарал ауданының адами әлеуетті дамыту бөлімінің басшысы Серікбаев Мұратбек мырза мектепте атқарылып жатқан іс-шараларға мектеп ұжымына, ауыл тұрғындарына, спорттық  шағын алаңдардың ашылуына септігі тиген демеушілерге үлкен алғысын білдіріп, алдағы істеріне сәттілік тіледі. Іс-шара барысында бөлім басшысы спортшы оқушылармен және мектеп басшысымен стол теннисінен ойын өткізді.

Жиын барысында мектеп оқушыларының концерттік бағдарламасы, бастауыш сынып мұғалімдері тарапынан «Қуыршақ театры», және "Жекпе-жек" спорт түрінен "Балалар" күніне арналған жастар мен жасөспірімдер арасында "Балалар біздің болашағымыз" атты ұранымен Келес ауданының ашық біріншілігінде жүлделі орынға ие болып келген оқушыларымызды марапаттады. Жеңімпаздарды Мақтаарал ауданының адами әлеуетті дамыту бөлімінің басшысы Серікбаев Мұратбек Тулапович «Мадақтама», «Дипломдармен» марапаттады.

Іс-шара соңы Мектеп мұғалімдерінен құрылған «Ұлт – болашағы – жастар қолында» атты «Жігіттер сұлтаны» сайысы ұйымдастырылып, онда қатысушылар яғни, жас мамандар өз өнерлерін ортаға салып, шығармашылықтарын, білімдерін жоғары деңгейде көрсете білді. Сайысқа қатысушы сайыпқырандардың ақыл-парасаты мен өнеріне, қайраты мен ізденпаздықтарына баға беріліп, қазылар алқасы тарапынан ыстық ықыластарға бөлене отырып, алғыс хаттармен марапатталды.