Білім бөлімі

Мақтаарал ауданының білім бөлімі Қазақстан Республикасының Конституциясын, "Қазақстан Республикасындағы баланың құқықтары туралы", "Білім туралы", "Сыбайлас жемқорлықпен күрес туралы" Заңдары, «Білім туралы» заңы, Білім және ғылым министрінің 2013 жылғы 25 шілдедегі №296 бұйрығымен бекітілген «Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына», ҚР Білім және ғылым министрлігінің 2007 жылғы 29 қарашадағы №583 „Оқу әдістемелік жұмысты ұйымдастыру және жүзеге асыру" т.б нормативтік құқықтық актілерінің шеңберінде жұмыс жүргізді.

Бүгінгі таңда іріленген ауданнан іргесін бөлек көтеріп, шаңырағын қайта тіктеген, қарашаңырақ саналған байырғы Мақтаарал ауданы өз көшін қайтадан мазмұнды түзеп келеді. Ауданда сан саланы қамтыған атқарар ауқымды  шаралар  бастау  алып, тынымсыз  еңбек күні қарқын алуда. Соның ішінде ауданымыздың  білім беру саласы  да қызу еңбек үстінде. Қазіргі кезде аудандық білім бөліміне қарасты 56 мектеп жұмыс істейді, оның 55-і жалпы орта, 1-і негізгі орта мектептер. Оның ішінде 42 мектеп типтік үлгіде, 14-і ыңғайластырылған. Сонымен бірге, мектепаралық оқу-өндірістік комбинаты және балалар мен жасөспірімдер шығармашылық орталығы бар. Қазақ тілінде оқытатын мектептер саны - 31, аралас мектептер саны - 25, оның ішінде: қазақ-орысы - 15, қазақ-орыс-өзбегі - 1, қазақ-өзбегі - 5, қазақ-тәжігі - 4