Қазақша  Русский  
МАҚТААРАЛ АУДАНЫНЫҢ<br>
БІЛІМ БӨЛІМІ МАҚТААРАЛ АУДАНЫНЫҢ
БІЛІМ БӨЛІМІ

мемлекеттік мекемесі
Қазақстан Республикасының мемлекеттік рәміздері
eye 
Басты / Цифрландыру бөлімі

«Цифрлық Қазақстан» мемлекеттік бағдарламасының іске асырылуы

Мақтарал ауданы бойынша қазіргі таңда 56 мектептің 55-і кеңжолақты интернет желісіне қосылған. Оның ішінде:

Жылдамдығы 4мб/с жоғарылары – 25 мектеп;

Жылдамдығы 4мб/с төмендері – 30 мектеп (А. Қалшораев елді мекеніндегі Қ. Әбдалиев атындағы орта мектепке интернет беру үшін қазіргі уақытта «Транстелеком» АҚ-мен келіссөздер жүргізілуде).

2019 жылы қалған 31 мектептің барлығын 100 пайыз 4 Мб/с жылдамдықтан жоғары болуы үшін қосымша 52 млн. теңге қаржы қаралған. Қазіргі таңда мемлекеттік сатып алу жұмыстары жүріп жатыр.

Түркістан облысының білім басқармасы білім ұйымдарына Wi-Fi роутерларды орнатудың жобасы бойынша  Wi-fi желісінің қаржысын қайта есептеу жұмыстары жүргізілуде.

Мектептерде Kundelik.kz жүйесінде электронды журналына 56 мектеп түгел енген, 100% қамтылған. Бүгінгі күнгі мәліметпен жүйеге аудан бойынша 40 050 пайдаланушы бар, олардың 4065 – мұғалім, 27046 – оқушы, 11302 – ата-ана. Бұл жүйеге енген мектептер электронды журналмен жұмыс жасауды қолданатын болады. Электронды журнал, ата-аналармен қатынас, т.б. барлығы аталған сайтта жүргізілетін болады.

Жалпы аудандағы білім мекемелерінде 3023 компьютер бар, оның ішінде 1226  компьютер ауыстыруды қажет етеді. Сондай-ақ, 217 интерактивті тақталар бар, оның 94-і ауыстыруды қажет етеді. Соңғы 5 жылда 958 компьютер жаңадан келген.

Ауданымызда 1-11 сынып аралығында 27108 оқушы білім алуда.  1 компьютерге шаққанда 11 оқушыдан келеді (бір компьютерге                                                      9 оқушыдан келу үшін 4458 компьютерге жетуіқажет).

Компьютерлердің жалпы саны

Соңғы

5 жылда келген компьютерлер

Есептен  шығарылған  компьютерлер

Бір компьютер-ге келетін оқушылар үлесі

Соңғы

5 жылдан келген компьютер-лермен оқушылардың үлесі

Интерактивті тақталар

Ауыстыруды қажет ететін тақталар

3023

958

1320

11

35

217

94

 

Мақтаарал ауданының білім ұяларында компьютермен қамтамасыз ету пайызын орта республикалық деңгейге жеткізу үшін 2018 жылға жергілікті бюджеттен 358 компьютерге 50,1 млн. теңге қаржы қаралып, әр компьютерге 140 мың теңгеден қаржы бөлінген. Сондай-ақ, 212 мультимедиялық жабдықтарға 105,1 млн. теңге қаржы қаралып, әр жабдыққа 496 мың теңге қаржы бөлінген. Бүгінгі таңда 212 мультимедиялық жабдықпен білім беру мекемелері толық қамтылған.

«Bilimland» білім беру платформасына 2019 жылы аудандық бюджеттен 10 млн 640 мың теңге қаржы қаралған. Аудан бойынша осы жүйеге 54  жалпы орта мектеп қосылған. Осы уақытқа дейін «Bilimland» білім беру платформасын офлайн режимінде пайдалану үшін 60 «Bilimbook» таратылған.

Аудан бойынша 6 мектеп (Мырзакент МГ, Мақтаарал МГ, №120 ЖОМ, Абылайхан ЖОМ, Үлгілі ЖОМ,Сәтбаев ЖОМ) робототехника кабинетімен жабдықталған.

2018 жылы «Нұр Отан» партиясының бастамасымен ауданымызда  3 мектептен IT-сыныбы ашылды («Мырзакент» МГ, Мақтаарал МГ және №120 жалпы орта мектебінде). Бұл сыныптарды ашудағы мақсат – балалардың қазіргі заманға сай білім алуына мүмкіндік жасау. Сондай-ақ, бұл сыныптар аудан орталығынан шалғай ауылдарда орналасқан елді мекендердегі жасөспірім балаларға ғылыми-техникалық білімді шынайы өмірде қалай қолданып, заманауи технологияны жетік білуге жол ашады.

ІТ-сыныптардың арқасында 8-16 жас аралығындағы 2000 бала бағдарламалау және робот техникасының негіздері жайында Еуропалық білім беру стандарты негізінде тереңдетілген білім алады. Бұл бастама мектептерге факультативті пән ретінде енгізіліп эллективті курс ретінде жүргізіледі.

2019 жылы ауданымыздан тағы 6 мектептен IT-сыныптарын ашу үшін жергілікті бюджеттен 34,2 млн теңге қаржы бөлінген. Қазіргі таңда мемлекеттік сатып алу жұмыстары жүріп жатыр.

Айта кетейік, 2019 жылы 4 сәуірде Түркістан облысының білім басқармасы мен облыстық әдістемелік орталығының ұйымдастыруымен өткен «RoboFestTurkestan 2019» облыстық байқауында Мақтаарал ауданының «Maqtaral Robotics» командасы жүлделі 1 орынды иеленді.

Мектепке  дейінгі  мекемеге  жолдама  алуды  автоматтандыру жүйесіне 2018 жылы  жергілікті бюджетттен 6.8 млн теңге  қаржы бөлініп жұмыс  атқарылған.

2019 жылдың  қаңтарынан  аудандағы мектепке дейінгі ұйымдардың барлығы bagsha.sitcen.kz порталымен жұмыс жүргізуде. Қазіргі таңда 13 мемлекеттік  бала-бақша және 11 шағын орталық balabaqsha.sitcen.kz порталымен жұмыс істеуде (106 бала кезекте тұр). 2019  жылдың соңына дейін 85 жеке меншік бала-бақшалар balabaqsha.sitcen.kz порталына 100% қосылады.

MektepSitCen – мектепке 1 сыныпқа қабылдауға өтініштерді электронды қабылдайды. Қазіргі таңда электронды түрде 2444 бала 1 сыныпқа қабылданды.

Мектептер және мектепке дейінгі білім беру ұйымдары педагогтарды жұмысқа қабылдау процесі жартылай автоматтандырылған. Jumys.Sitcen.kz порталына барлық мектептер мен мемлекеттік бала-бақшалар  енгізіліп, логин және құпия сөздері берілген.

Бүгінгі таңда аталған порталға 56 мектептен 2019 жылы 24 вакансия жарияланған, өтініш білдірушілер саны 10. Жалпы осы уақытқа дейін jumys.Sitcen.kz-пен 9 адам жұмысқа қабылданған.

Аудан бойынша  jumys.Sitcen.kz жүйесі жұмыс істейтін кабинетті жабдықтау мақсатында жергілікті бюджеттен 4,9 млн қаржы қаралып, мемлекеттік сатып алу порталына рәсімделді. Jumys.sitcen.kz кабинеті тек С.Рахымов атындағы №4 жалпы орта мектебінің базасында ашылып жұмыс істеуде.

 

Интернет бойынша

Мақтаарал ауданы бойынша 2 кент, 9 ауылдық округ, 69 елді мекен бар.

Оның 67-і интернет желісіне қосылған болса, 2 елді мекен (Найман-бұқарбай елді мекені жайылым жер және А. Қалшораев елді мекені қазіргі уақытта интернет беруші «Транстелеком» АҚ-мен келіссөздер жүргізілуде) қосылмаған. 68 елді мекеннің 15-інде сымды (проводной) интернет болса, оның 7-еуінде оптикалық-талшықты интернет. Қалған елді мекендер сымсыз (без проводной) интернетке қосылған.

Мемлекеттік органдардың бірыңғай көлік ортасымен - аудан әкімі аппараты, аудандық 11 дербес бөлім және 2 кент, 9 ауылдық округ қамтылған.

 

Цифрлы сауаттылықты арттыру бойынша

Мақтаарал ауданында базалық курстар бойынша 2018 жылы 1350 адамды, «E-GOV» дағдылары бойынша 800 адам, «OPEN GOV» дағдылары бойынша 800 адам, «Е-коммерция» дағдылары бойынша 800 адам тегін оқыды. Сондай-ақ, курсқа қатысушы 15 информатика пәнінің мұғалімі ауданның 675 тұрғынын «цифрлық сауаттылық» бойынша 3 сағаттық курстардан өткізді.

Мақтаарал ауданы әкімдігінің ресми сайтына курсқа онлайн жазылу үшін арнайы терезе ашылып, түрлі видеороликтер, мақалалар жарияланды.

Жыл басынан бері мемлекеттік қызметтерді көрсету сапасын арттыру бойынша "Egov.kz" порталын пайдалану бойынша - 55 семинар, 1 дөңгелек үстел өткізіліп, оған қамтылған тұрғындардың саны - 4224-ті құрайды. Жергілікті БАҚ-на 10 материал жарияланған.

 

Copyright © 2019, Мақтаарал ауданының білім бөлімі
Мекен жайы:индекс 160547, Мақтаарал ауданы Жеңіс көшесі 10 үй
Телефон: +7 (72541) 2-10-50

Канцелярия: +7 (72541) 2-10-60
Приемная : +7 (72534) 2-10-60
e-mail: roo_maktaаral@mail.ru