7 - МАМЫР ОТАН ҚОРҒАУШЫЛАР КҮНІ

Мақтаарал ауданында 7-мамыр – Отан қорғаушылар күні және 9-мамыр- Ұлы Жеңістің 74 жылдығына арналған «Елдік-елге мұра, ұрпаққа ұран» атты мерекелік іс-шара 2019 жылдың 7-мамыр күні «Атакент» кентіндегі «Алпамыс» спорт кешенінде болып өтті.
Аудан әкімі бастаған ауданымыздың зиялы қауым өкілдері, әскери қызметкерлер «Мәңгілік алауға» гүл шоқтарын қойып, Ұлы Жеңіс жолында көз жұмған боздақтарды бір минуттық үнсіздікпен еске алды.
Іс-шарада Мақтаарал ауданының әкімі Асанов Бақыт Насырханұлы аудан халқын Ұлы Жеңіс және Отан қорғаушылар күнімен құттықтады. Ауданымыздың көркемөнерпаздары дайындаған мерекелік бағдарламасы Мақтааралдықтарға көтеріңкі көңіл күй сыйлады. Жүгіруден жасөспірімдер арасында өтілген марафон мен әскери оқу жаттығу көріністері мерекенің нақышын келтіре түсті. Әскер қызметкерлер де жаттығуларын Мақтаарал ауданының тұрғындарына ұсынып, зор ықласқа ие болды.Тәуелсіз мемлекетіміздің айрықша мерекесіне арналған іс-шара Мақтаарал ауданы тұрғындарының көңілдеріне шуақ ұялатып, жарқын қуаныштар әкелгені сөзсіз.