Тұңғыш Президентіміз Н. Ә. Назарбаев өзінің “Қазақстан - 2030” стратегиялық бағдарламасында, халықты салауатты өмір салтына ынталандыруды басым бағыттың бірі ретінде атап көрсетті. Бүгінгі таңда ауданымызда үлкен ағалардан кішкентай балаларға дейін, дене тәрбиесіне ерекше мән беруде. Соның бір айғағы бүгін Мақтаарал ауданы «Атакент» кентіндегі «Алпамыс» спорт кешінінде футболдан мектеп оқушылары арасында мектеп оқушыларының Ұлттық мектеп лигасының ашылу салтанаты болып өтті. Мақтаарал ауданының әкімі Бақыт Асанов Насырханұлы іс-шараны ашып берді. Мемлекетіміздің ән ұраны орындалып, мектептің өнерлі оқушыларының дайындаған концерттік бағдарламасы қойылды.
Ұлттық мектеп-лигасына ойындары 20.05 – 30.08.2019 жылы аралығында 5 кезең бойынша өткізіледі.
1-кезең – аудандық 56 мектептің футбол командасы 11 аймаққа бөлініп, әр топтың командалары айналмалы жүйеде өзара кездеседі. Өз аймағында ауылдық округтерден 1-орындарды иеленген командалар, кенттерден 1-2 орын иегерлері өңірлік кезеңге жолдама алады.
2-кезең. Өңірлік
3-кезең. Ширек финал
4-кезең. Жартылай финал
5-кезең. Финал.
1-кезеңнің алғашқы ойындарын Мақтарал МГ мен Бапышев ЖОМ мектеп оқушылары бастап берді. Ойын 5:1 есебімен Мақтарал МГ жеңісімен аяқталды.