Жаһандану жағдайында оқушыларды рухани-адамгершілік құндылықтарға тәрбиелеуде «Өзін-өзі тану» пәнін оқытудың өзекті мәселелері
2019 жылдың 29 тамыз күні Мақтаарал ауданы Абай атындағы №17 жалпы орта мектептің базасында «Жаһандану жағдайында оқушыларды рухани-адамгершілік құндылықтарға тәрбиелеуде «Өзін-өзі тану» пәнін оқытудың өзекті мәселелері» атты секциялық семинар болып өтті. Семинардың мақсаты: педагог тұлғасын рухани-адамгершілік тұрғыда өзгертуге, оның ішкі әлеуетінің ашылуына, оқу-тәрбие жұмысының тиімділігін қамтамасыз ететін білім берудің рухани-адамгершілік әлеуетін күшейтуге мүмкіндік жасау. Секциялық семинарды аудандық білім бөлімінің әдіскері А.Бердіхан ашып, мұғалімдерді жаңа оқу жылымен құтықтап, алдағы оқу жылына толағай табыстар тіледі. Семинарда «2019-2020 оқу жылындағы өзін-өзін тану пәнін оқыту үдерісіндегі ерекшеліктер», «Өзін-өзі тану пәнінде ұлы Абайдың қара сөздерін талдау» және т.б. баяндамалар оқылып, №41 жалпы орта мектептің мұғалімі К.Шеримбетованың ұйымдастыруымен «Өзін-өзі тану пәнін басқа пәндермен ықпалдастырудың маңыздылығы» тақырыбында шебер-сыныптары көрсетілді.