2019 жылы 28 тамызда №6 Қ.Сәтбаев атындағы жалпы орта мектебінде «Қазақ тілі мен әдебиеті пәнін оқыту: тиімді тәсілдер мен инновациялық әдістер» тақырыбында тамыз кеңесінің секциялық семинары өтті. Секцияның мақсаты: Білім беруде қазақ тілі мен әдебиеті пәндерін оқытуда заманауи әдіс тәсілдерді игертіп оқыту сапасын арттыру. Мақтаарал ауданының білім бөлімінің әдістемелік кабинеттің әдіскері Бағила Тынысбай өткен оқу жылында атқарылған жұмыстарға талдау жасады және биылғы оқу жылының типтік оқу бағдарламасымен таныстырды. Қазақ тілі мен әдебиеті пәнінің бірлестік жетекшілері: Ж.Бөрібекова, М.Саниязова және П.Абдукаримова баяндамалар оқып, тәжірибелерімен бөлісті.