Түркістан облысы әдістемелік орталығы КММ-нің жұмыс жоспарына сәйкес 2019 жылдың 21-22 қазанда Мақтаарал ауданы С.Рахымов атындағы жалпы орта мектебінің базасында «Мектепке дейінгі білім беру ұйымдарындағы пәндік дамытушы ортаның жағдайы оны жетілдіру жолдары» тақырыбында әдістемелік көмек көрсету семинары болып өтті. Семинарға жалпы аудандағы мемлекеттік пен жекеменшік негіздегі балабақшалар қамтылды. Семинарды Түркістан облысы әдістемелік орталығының әдістемелік кабинет әдіскері Ж.С.Коздигарина ашып өзара пікір талас өткізді. Мақтаарал ауданы білім бөлімінің мектепке дейінгі оқыту мен тәрбие әдіскері С.Ибрагимова «Мектепке дейінгі білім беруде инновациялық технологияларды қолдану» тақырыбында шебер сынып өткізді. «Монтесори педагогикасы» мен «Восковович технологиясы» бойынша Нұрбөбек балабақшасының әдіскері Н.Дүйсембекова мен Әуметхан балабақшасының әдіскері Ж. Құлыншақовалар да өз тәжірибесінде қолданып жатқан технологиялар түрлерімен таныстырып шебер сынып көрсетті. Семинар барысында мектепке дейінгі білім беру ұйымдарындағы педагогтардың ой-пікірлері тыңдалып , түрлі әдіс-тәсілдер мен технологияларды жұмыс барысында жандандырудың басты қағидалары айтылды.