Мақтаарал ауданы білім бөлімінің жылдық жоспарына сай 2019 жылдың 30 қазан күні Атакент кентінде орналасқан «Бәйтерек –Бақ» бөбекжай -балабақшасында аудандық білім бөлімінің мектепке дейінгі әдіскері С.Ибрагимованың ұйымдастыруымен «Инновациялық технологиялар мен әдістерді қолдану баланың тұлғасын дамытуға ықпал ету» тақырыбында ашық есік күні болып өтті. Оның мақсаты; инновациялық технологияларды түрлі әдіс-тәсілдерді ұйымдасқан оқу-қызметінде қолдана отырып баланың тұлғасын дамытуға ықпал жасау. Ашық есік күніне ата-аналар мен балабақша тәрбиешілері түгел қатысты. Балабақшаның орыс тілі мұғалімі Қ.Зульфиева мен мектеп алды даярлық тобы тәрбиешісі Л.Орынбаева «Ұлттық асық ойыны тәлім тәрбиенің көзі» тақырыбында , Ересектер тобында « Қызықты математика» тақырыбында Б.Жанқожаевалар жаңашыл әдіс-тәсілдерді қолдана отырып ұйымдасқан оқу-қызметін көрсете білді. Шара соңында сұрақ-жауап пен ата-аналар белсенділік танытып , соңы концерттік бағдарламаға ұласты. Балабақша ұжымына қиын да, қызықты жұмыстарына толағай табыстар тілеп жас жеткеншектер тәрбиелеуде қажымас қайрат тілейміз!

​​​​​​​