Салауатты өмір салтын қалыптастыру мақсатында спортпен шұғылдану – деніміздің сау болуының негізгі кепілі. Мақтаарал ауданының білім бөлімі мен Мақтаарал ауданының кәсіподақ ұйымының жоспарына сәйкес 2019 жылдың 31 қазан күні жасөспірімдер арасында күзгі демалыс кезінде құқықбұзушылықтың алдын алу мақсатында волейболдан жарыс өтті. Аудан мектептері арасынан іріктелген А.Пушкин атындағы ЖОМ, Қ.Қайсенов атындағы ЖОМ, Алтынсарин атындағы ЖОМ, Тоқжигитов атындағы ЖОМ, Жамбыл атындағы ЖОМ, Абай атындағы ЖОМ, Тұрсын-Заде атындағы ЖОМ, С.Рахымов атындағы ЖОМ, Абылайхан атындағы ЖОМ, Қажымұқан атындағы ЖОМ мектеп оқушыларынан құрылған командалар аталған жарысқа қатысты.
Барлық командалар жарысқа жақсы дайындықпен келіп, жеңіске деген құштарлықтарымен ерекшеленді. Жарыс барысында Қ.Қайсенов атындағы ЖОМ, Алтынсарин атындағы ЖОМ, А.Пушкин атындағы ЖОМ финалға шықты. Жарыс қорытындысы бойынша А.Пушкин атындағы жалпы орта мектебі І орынды, Қ.Қайсенов атындағы жалпы орта мектебі ІІ орынды, Ы.Алтынсарин атындағы жалпы орта мектебі ІІІ орынды иеленді.
Сонымен қатар А.Пушкин жалпы орта мектебінің оқушысы Вайдинов Исмаил «Ең үздік доп ұзатушы», Қ.Қайсенов атындағы жалпы орта мектебінің оқушысы Сапар Иманғали «Ең үздік ойыншы», Ы.Алтынсарин жалпы орта мектебінің Қаратай Жасұлан «Ең үздік шабуылшысы» номинациясымен марапатталды. Жеңімпаз командаларға кубоктар мен грамоталар тапсырылды.