2019 жылғы 26 желтоқсанда Мақтаарал ауданының білім бөлімінің ұйымдастыруымен мектеп оқушыларына арналған аудан әкімінің «Жаңа жылға саяхат» атты жаңа жылдық іс-шарасы «Атакент» кентіндегі «Алтын шаңырақ» мейрамханасында өткізілді. Мерекелік іс-шараны Мақтаарал ауданының әкімі Бахыт Асанов және аудандық білім бөлімінің басшысы Муратбек Серикбаев ашып, балаларды келе жатқан жаңа жылымен құттықтады.

 Сондай-ақ аталған іс-шараға аудандық мәслихат хатшысы Қадір Сәрсекбаев, аудандық Кәсіподақ ұйымының төрағасы А.Жолдасов, аудандық қоғам кеңесінің төрағасы Мелдаханов Сейіткерім және Қоңырат мақта шаруашылығы С.Асанов, «Алтын шаңырақ» мейрамханасы С.Қонарбаев, «Ақиқат-Техас балы» ЖШС Б.Дүйсенбиев,  Жетісай жəне Мақтаарал қорғаныс істері жөніндегі бөлімі бастығы А.Қабылов, "CONTO" мақта зауытының директоры А.Боев, "Нұркент" ЖШС басшысы Н.Жолдыбаева, Мырзакент кафесінің басшысы С.Дүкенбаев, «Амалбек ата" шаруа қожалығының басшысы Қ.Бейсенбаев демеушілік жасап, балаларға мерекелік арнайы сый-сияпаттар беріп, көтеріңкі көңіл күй сыйлады.

Мерекелік іс-шарада мектеп оқушылары ән айтып, күй тартып, би билеп, сахналық көріністер қойды. Аяз ата мен қарша қыздың қатысуымен жаңа жылдық шыршаны барлық мерекеге қатысушылар айнала билеп, шыршаға қатысқан оқушылар ерекше әсерге бөленді.