Түркістан облысы әдістемелік орталығының жылдық жоспарына сәйкес 2020 жылғы 8 қаңтарда Түркістан қаласы, Р.Исетов атындағы №20 жалпы орта мектеп базасында аудандық, қалалық білім беру бөлімдерінің тәрбиес ісі, әлеуметтік педагог, психология саласы, кітапхана ісі, қосымша білім, инклюзивті білім беру салалары әдіскерлеріне арналған «Үздік әдіскер жобасы» облыстық байқауы өтті. Мақтаарал ауданы білім бөлімінің әдіскері Бағила Әріпбекқызы Тынысбай облыстың әлеуметтік-педагог әдіскерлері арасында өткізілген байқауда жүлделі 1-орынды иеленсе, бөлімнің әдіскер Сүлейменова Сәуле Лайыковна тәрбие саласына жауапты әдіскерлер арасында өткізілген байқауда 3-орынды алып, облыс деңгейінде аудан мәртебесін тағы да бір көтеріп, аудандық білім бөлімінің 2019-2020 жылғы жүлделі қоржынын толтырды. Мақтаарал ауданының білім бөлімінің басшысы М.Серикбаев: Аудан абыройын асқақтатқан әріптестеріміздің алдағы уақытта биік белестерді бағындырып, мемлекетіміздің білім саласын дамыту ісінде сүбелі үлес қосарына сенім білдірді. Отбасыларына амандық, бақыт пен байлық, жұмыста шығармашылық жетістіктер мен толағай табыстар тіледі!