2020 жылғы 9 қазанда Мақтаарал ауданы білім бөлімінің 2020-2021 оқу жылына арналған іс-шаралар жоспарына сәйкес «Жасөспірімдер арасында бала мен ата-ана қарым-қатынасы арқылы аутодеструктивті мінез-құлық, буллингтің алдын алу»  - тақырыбында аудандағы білім беру ұйымдарының педагог-психологтарының қатысуымен зумм жүйесі арқылы тәжірибелік вебинар өткізілді.

         Вебинардың мақсаты: Буллинг ұғымымен танысу. Буллинг феноменінің туындау себептерін анықтау және оқушының өзіне деген сенімділігін, батылдығын арттыру, қарым-қатынаста (жеке, топтық) жаңа достар табуын, өз ойын қысылмай білдіруін үйренуге көмектесу. Аутодеструктивті мінез-құлықтың алдын алу жолдары, жасөспірімдердің бойындағы жағымсыз қасиеттерін жою.

         Вебинарда бөлім әдіскері М.Нұртаева оқушылар бойындағы аутодеструктивті мінез-құлықты анықтау, алдын алу бойынша кеңінен түсіндіре отырып, әдістемелік көмек көрсетіп, жұмысты тиімді атқару үшін бағыт-бағдар берді.

         Сондай-ақ Ж.Нұрлыбаев атындағы №49 жалпы орта мектебінің педагог-психологы Э.Мұсаева жасөспірімдер арасындағы буллинг мәселесіне тоқталып, сауалнама жүргізу арқылы қалай анықтау, алдын алу жұмыстарына тоқталды. Қашықтан оқыту барысында оқушы мен ата-ана қарым-қатынасын нығайту үшін ұсыныстар берді.

         М.Ғабдуллин атындағы №52 жалпы орта мектебінің педагог-психологы Н.Елтабев «Онлайн сауалнамалар мен тесттерді GOOGLE формада жүргізу» бойынша онлайн форматта сауалнама алу, нәтижесін диаграмма арқылы шығаруды бейнеролик арқылы көрсете отырып, түсіндірді.

         Вебинар өз мақсатына жетті. Вебинарға 42 қызметкер қатысты. Алдағы уақытта осы тәрізді вебинарлар зумм жүйесі арқылы жиі өткізуге ұсыныстар берілді.