«Өнер - өнегелі, ақылды адамдарды тәрбиелейтін құрал» -деп Кеңес педагогы В.Сухомлинский айтып кеткендей, тәрбие үрдісінде өнерге аса көңіл аудару қажеттілігін атап көрсеткен болатын. Сол өнердің бірі - би өнері.

Балалардың би  әлемін түсініп қабылдаудағы талғампаздығын тәрбиелеу, эстетикалық сезімталдығын қалыптастыруда білімді, мәдениетті болып өсуіне әсер етудің мектептегі би өнерінің рөлі орасан зор.

           Мақтаарал ауданының осындай өнерлі  жастары  ұлты тату, елі берекелі, керегесі кең, өркениетті  халқымыздың өнерін дәріптеу мақсатында  «Balbulaq” балалар мен жасөспірімдер шығармашылық орталығы ұйымдастырған «Өнерге қанат қаққандар» II Республикалық байқауына қатысып, өз өнерлерін жоғары деңгейде көрсетті.  Аталған байқауға ауданымыздан А.Пушкин атындағы жалпы орта мектебінің «Кәусар» би тобы қатысып Бас жүлдені иеленді. 

«Өнерлі өрге жүзер» демекші,  дарынды да талантты, өнерпаз жастарымызды Мақтаарал  ауданының  білім бөлімінің әдістемелік кабинет меңгерушісі У.Исламова  «Өнерге қанат қаққандар» II Республикалық байқауына хореография номинациясы бойынша дарынды, талантты өнерпаз дайындауда жоғары деңгейде біліктілігін көрсеткені үшін Опабеков Алтынбек Уалиевичті «Құрмет грамотасымен» және өз өнерімен ерекше дараланған «Кәусар» би тобы мүшелерін  Ибрагимова Гульчин, Рамизов Гунаш, Тұрсынқалиева Ақдидар, Туранов Сарвиноз, Ибрагимова Кудрат, Бержанова Балжан сынды биші қыздарымыздың жеңіп алған «Бас жүлде» марапаттарын табыс етті.

   «Тынымсыз - ізденіс, түбегейлі – нәтиже» екенін ескерсек, адамның ішкі дүниесін байытып, жанын тазартатын құдіретті өнер - оқушылардың өнерге сүйіспеншілігін, өмірге құштарлығын, еңбекке, іскерлікке ынтасын арттыруда жеке тұлғаның қалыптасуына би өнерінің әсері ерекше деген оймен, еліміздің болашақ өркендері бимен шалықтап, Мәңгілік еліміздің шар айнасына айналсын деп тілейміз.