ЖЕТЕКШІ МЕКТЕПТЕРДЕГІ ТИІМДІ ҰЙЫМДАСТЫРЫЛҒАН ҚЫЗМЕТ – СЕРІКТЕС МЕКТЕПТЕРДІҢ ДАМУЫНЫҢ КЕПІЛІ

Мақтаарал ауданы адами әлеуетті дамыту бөліміне қарасты 56 мектеп болса, 14 мектеп жетекші мектептің қызметін атқарады. Жетекші мектептердің негізгі атқаратын рөлі – өздеріне бекітілген серіктес мектептерге қолдау көрсету. Жетекші мектептердің басты ұстанатын қағидаттары білім саласындағы барлық жаңалықтар мен өзгерістерге ашық болуы, сол бағытта белсенді шараларды жоспарлау, үнемі кәсіби дамыту. Осы орайда Абылайхан атындағы жалпы орта мектебінің базасында жетекші мектептердің серіктес мектептермен бірлесе  атқарылған  жұмыстарына мектеп үйлестірушілері тоқталып өтті. Барлық жетекші мектептердің қызметі, жоспарлары бойынша атқарылатын іс-шаралары директордың оқу ісі жөніндегі  орынбасарлары мен пән мұғалімдеріне арналған оқыту және тәжірибелік семинарлар, ашық есік күндері арқылы көрсетілуде. Серіктес мектептерді дамытуда, мұғалімдердің кәсіби біліктілігін шыңдауда, білім алушылардың оқу жетістігінің нәтижесін арттыруда жетекші мектептердің атқаратын рөлі өте зор.

Зерттеушілік қызмет бойынша жетекші мектептердегі жүргізілген Сабақты зерттеу, іс-әрекеттегі зерттеулерді атап айтуға болады. И.Панфилов атындағы ЖОМ мектеп үйлестірушісі Ж.Алиасхарова, О.Бапышев атындағы ЖОМ М.Шепетова және Ж.Нұрлыбаев атындағы жалпы орта мектебінің А.Мусаева зерттеу тобының білім сапасының қорытындысымен, жетістіктерімен таныстырды және Сабақты зерттеуді өз мектептерінде ғана жүргізіп қоймай, серіктес мектептердің де мұғалімдерінің зерттеу сабақтарына, талқылауларға қатысуына ықпал етіп отыр.

«Басқаларды үйрете жүріп, біз өзіміз де үйренеміз», – деп ойшыл Сенека Луций айтқандай, қазіргі таңдағы  жетекші мектептер серіктес мектептерді үйретумен, қолдау көрсетумен бірге өздері де даму үстінде.