МАҚТААРАЛ АУДАНЫ  БҮЛДІРШІНДЕР РЕСПУБЛИКАДА ТОП ЖАРДЫ

  Мақтаарал ауданының адами әлеуетті дамыту бөліміне қарасты мектепке дейінгі ұйымдарда 1 маусым Балалар күні қарсаңында «Балалар жылы» аясында ұйымдастырылып жатқан  байқаулар мен іс- шаралар аталып өткізілді. Балаларды ерте дамыту институтының ұйымдастыруымен «Шымырлық пен шеберлік күні» республикалық байқауында «Әке көрген оқ жонар, ана көрген тон пішер» байқауы бойынша «Нурбөбек» бөбекжай- балабақшасы тәрбиешісі Гульмира Умарова мен тәрбиеленушілері Жанаділ Алия, Азымхан Тоғжан мен Пардабай Балаусалар 3 орын дипломмен және институттың сыйлықтарымен марапатталды. Мақтаарал ауданының «Атамекен» балабақшасының әдіскері Басымбекова Латифа «Мектепке дейінгі ұйымның үздік әдіскері» атты Республикалық байқаудан «Жаңашыл әдіскер» номинациясымен марапатталды. Ауданымыздың мектепке дейінгі ұйымдар арасындағы марапаттары құтты болсын, жеңістеріңіз көп болсын.