ТАҒЫЛЫМЫ МОЛ ӘДІСТЕМЕЛІК КЕҢЕС

2019 жылдың 3 мамыр күні С. Рахымов атындағы жалпы орта мектебінің базасында директордың оқу ісі жөніндегі орынбасарларының "Мақтааралдағы жаңартылған білім беру мазмұнына көшкен сыныптардағы пәндердің оқытылуы, білім сапасы" тақырыбында әдістемелік кеңесі болып өтті. Кеңесті аудандық әдістемелік кабинеттің меңгерушісі Ултуар Исламова ашып, әдістемелік кеңестің бағдарламасымен таныстырды. Кеңес барысында білім сапасын жоғарылату мақсатында атқарылған келелі істердің игі бастауында тұрған білім ошақтарының іс-тәжірибесін ортаға салды. "Мақтарал" МГ-ның оқу ісі жөніндегі орынбасары Ж. Кадырова, "Нұрлы жол" ЖОМ-ның оқу ісі жөніндегі орынбасары М. Мейірманова және Абылайхан атындағы ЖОМ директордың оқу ісі жөніндегі орынбасары А. Мусабекова "Жаңартылған білім беру мазмұнына көшкен сыныптардағы пәндердің оқытылуына, білім сапасын арттыру бағытында SWOT талдау жасалынып, әр мектептің білім сапасын жоғарылату жолдарының өсу динамикасына тоқталды.
Білім сапасын жоғарылату мақсатында өткізілген әдістемелік кеңестің білім беру ұйымдарындағы әріптестеріне алдағы уақытта шығармашылық жұмыстардың шыңдалуына сүбелі үлес қосты.
Білім саласының қызметкерлеріне шығармашылық табыстар, биік белестер тілейміз!